Бидний тухай

Кевико компанийн танилцуулга

Кевико ХХК нь Улаанбаатар хотыг бүрэн хамарсан өндөр хурдтай хэрэглэхэд хялбар, байгаль орчинд хор хөнөөлгүй, ухаалаг техник технологид суурилсан  Wi-Fi интернэтийн үйлчилгээг нийслэлийн иргэдэд хүргэх зорилгоор 2010 оны 9 сард байгуулагдсан бөгөөд олон төрлийн шинэлэг үйлчилгээ, шинэ технологи, шилдэг санаануудыг нэвтрүүлэн өөрийн бүтээлч хамт олны тусламжтайгаар Монгол орноо хөгжүүлэхэд зохих хувь нэмрээ оруулж байгаа шинэ залуу, эрч хүчээр дүүрэн компаниудын нэг юм.

2010оноос хойш Улаанбаатар хотын Баянзүрх, Баянгол, Хан–Уул, Сүхбаатар, Налайх, Чингэлтэй, Сонгинохайрхан дүүргүүдийн гэр хорооллын бүсийн 80%-д , мөн Улаанбаатар хот орчмын зуслангууд, олон нийтийн томоохон худалдаа, үйлчилгээний газруудад утасгүй интернэтийн тоног төхөөрөмжийг суурилуулан өөрсдийн дэд бүтцээ бүтээн байгуулсан.

Одоогийн байдлаар Улаанбаатар хотын хэмжээнд 1500 гаруй цэгт Кевико Wi-Fi  сүлжээ цацагдсан байгаагаас  500 гаруй цэгт нь иргэд үнэ төлбөргүй холбогдон интернэтийн хэрэгцээгээ хангаж байна.

Манай компани утасгүй интернэтийн технологи ашиглан шилэн кабель хүрэх боломжгүй зорилтод хэсгүүдэд өндөр хурдны интернэтийн үйлчилгээг хүргэх зорилгыг бий болгон ажилдаг бөгөөд энэхүү зорилгынхоо хүрээнд орон нутгийн хэрэглэгчдэд өөрсдийн үйлчилгээгээ хүргэж байгаа юм. Одоогийн байдлаар доорхи газруудад өөрийн технологийг ашиглан сүлжээгээ нэвтрүүлээд байна.

Дархан хот

Эрдэнэт хот

Сэлэнгэ аймаг- Зүүнхараа

Дорнод аймаг- Чойбалсан

Увс аймаг- Улаангом

Хөвсгөл аймаг- Мөрөн

2013 онд WiFi сүлжээний хамгийн том компаниуд болох Ай Пасс (iPass), Бойнго(Boingo) компаний хэрэглэгчдийг хүлээн авч эхлээд байна. Ингэснээр гадаад орноос аялан ирэгсэд Кевико WiFi сүлжээг ямар нэгэн бүртгэлгүйгээр өөрийн орондоо ашигладагтай адил шууд хэрэглэх боломжтой болж байна. Бид тун удахгүй манай хэрэглэгчид Кевико хэрэглэгчийн нэр, нууц үгээ ашиглан ямар нэг нэмэлт бүртгэлгүйгээр Ази, Европ, Америк, Австралийн хаана л бол хаана өндөр хурдны, чанартай интернет үйлчилгээг хямд үнээр ашиглах боломжийг нээхээр ажиллаж байна

КЕВИКО ХХК-ийн хийж гүйцэтгэсэн төслүүд:

  • 2011 онд “Улаанбаатар хотын Баянзүрх дүүргийн гэр хороололд интернэт үйлчилгээ хүргэх” төсөл. Уг төслийн хүрээнд Баянзүрх, Налайх дүүргүүдийн гэр хорооллын иргэдэд интернэтэд холбогдох боломжийг бүрдүүлэн 28000 өрхөд Wi-Fi /утасгүй интернэт/-д холбогдох 1 жилийн интернэтийн эрхийг үнэгүй олгосон.
  • 2012 онд “Нийслэлийн Сүхбаатар дүүргийн нийт сургуулиудыг интернэтэд холбож, сургууль цэцэрлэгүүдэд электрон тоног төхөөрөмж нийлүүлэх” төсөл. Төслийн хүрээнд Сүхбаатар дүүргийн нийт 15 сургууль, 26-н цэцэрлэгт интернэт үйлчилгээ хүргэн, Wi-Fi /утасгүй интернэт/ бүсийг сургуулийн орчинд үүсгэж, сургууль цэцэрлэг бүрт орчин үеийн тоног төхөөрөмжөөр хангагдсан, өндөр хурдны интернэт бүхий “Багш хөгжлийн төв”-ийг байгуулсан.
  • 2013 онд “Иргэдэд зориулсан хөдөлгөөнт интернэтийн бүсүүд бий болгох” төсөл. Төслийн хүрээнд Нийслэлийн Мэдээллийн Технологийн Газартай хамтран нийслэлийн 99 цэгт үнэгүй утасгүй интернэтийн /Free Wi-Fi/ бүсүүдийг бий болгох ажлыг хийж гүйцэтгэсэн.

Манай хамт олон нь 2012 онд Монголын Маркетинг Менежментийн хүрээлэнгээс зохион байгуулсан “Next Generation Business Forum 2012”шинэ үеийн шилдэг байгууллагуудыг тодруулах зорилготой хэрэглэгчдийн дунд явуулсан санал асуулгаар Мэдээллийн  технологийн салбартаа манлайлж“Тэргүүн байр”-ын батламжаар шагнагдсан. Мөн “Best of Mongolia 2012”салбар салбарын оны  шилдэг байгууллага, аж ахуйн нэгжийг шалгаруулах олон нийтийн санал асуулгаар “Оны шилдэг интернэт үйлчилгээ эрхлэгч” байгууллагаар шалгарсан.

КЕВИКО ХХК маркетингийн алба

Видео

Санал асуулга

Та манай Kewiko_Wifi сүлжээнд хаанаас холбогддог вэ?

  • Баянзүрх дүүрэг (27%, 1,601 Votes)
  • Сонгино хайрхан дүүрэг (25%, 1,479 Votes)
  • Чингэлтэй дүүрэг (16%, 943 Votes)
  • Сүхбаатар дүүрэг (10%, 617 Votes)
  • Хан-Уул дүүрэг (9%, 543 Votes)
  • Баянгол дүүрэг (8%, 486 Votes)
  • Налайх дүүрэг (5%, 292 Votes)

Total Voters: 5,961

Loading ... Loading ...

Биднийг дагаарай